برجر الفراخ المشوى

برجر الفراخ المشوى
المكونات
1 كيلو فراخ مفرومه وش واحد
2 ابيض بيض
ربع كوب بقسماط ناعم
ملح وفلفل اسود
1 معلقه كزبره ناشفه
1 معلقه زعتر بودره
نصف معلقه بردقوش 
نصف معلقه صغيره سماق بودره
معلقه صغيره ثوم بودره
1 معلقه بصل بودره
1 معلقه صغيره كارى بودره

الطريقه
هتفرمى الفراخ وش واحد زى ماقلنا وبعد كده هتحطى كل المكونات دى وتقلبيها كويس اوى مع الفراخ كأنك بتعجنى بظبط عجينه وبعد كده هتحطيها فى الفريزر لمده ساعه قبل تشكيلها على شكل البرجر وتشكليها وتحطيها فى الثلاجه بعد التشكيل لمده نص ساعه تانيه قبل التسويه اللى هتكون فحم او جريله كهربا او حتى طاسه فيها شويه زيت بسيط تقدرى تقدمى جنبها اى نوع مكرونه بتحبيه اوى بطاطس مقليه وتقدرى تعملى منها سندوتشات كمان وبالهنا والشفا